Кочан е првоосмничен во случајот „Труст“ на СЈО, и се сомничи за злоупотреба на службена положба во 2012 година кога бил управител на „Трансмет ДОО“ и со лажни документи добил тендер од ЕЛЕМ во вредност од 17 милиони евра. Мерката притвор му беше одредена минатиот четврток, а истиот ден неколку часа претходно на Кочан му се губи трагата и не е достапен за истражните органи. МВР по него распиша потерница, додека адвокатот Додевски тврди дека е на службен пат.
Вработени во компанијата „Трансмет“ и во телевизијата „Нова“ и припадници на Бошњачката заедница денеска пред Апелацискиот суд протестираат за да го заштитат осомничениот Сеад Кочан да не оди во притвор.
На протестот може да се видат пароли на кои пишува „СДСМ против Бошњаците во Македонија“, „СДСМ преку СЈО ги убива медиумите“, „Правда за Сеад“ и други.
Граѓаните што протестираат извикуваат „Правда за Сеад“, „Сеад не го даваме“, „Трансмет, Трансмет“.
На почетокот на протестот се обратила уредничката на телевизијата Билјана Трендафилова, која рекла дека притворот за Кочан, е удар врз слободата на медиумите.
На протестот има околу стотитина граѓани, а блокирана е крстосницата на потегот кај МАНУ.
Кочан е првоосмничен во случајот „Труст“ на СЈО, и се сомничи за злоупотреба на службена положба во 2012 година кога бил управител на „Трансмет ДОО“ и со лажни документи добил тендер од ЕЛЕМ во вредност од 17 милиони евра. Мерката притвор му беше одредена минатиот четврток, а истиот ден неколку часа претходно на Кочан му се губи трагата и не е достапен за истражните органи. МВР по него распиша потерница, додека адвокатот Додевски тврди дека е на службен пат.
Вчера на јавна седница во Апелацискиот суд се расправаше по жалбата на одбраната на Кочан за притворот кој на бизнисменот му го одреди Кривичниот совет на Основниот суд Скопје 1. Одлуката треба да биде објавена денеска.
