Енес Кантер се соочува со четиригодишна затворска казна во Турција за навреди изнесени кон претседателот Реџеп Таип Ердоган. Кошаркарот на Њујорк никс во мај и во јуни во минатата година преку својот Твитер налог упати критики кон турскиот претседател за што, според тамошните медиуми, ќе заврши зад решетки и покрај неговото непојавување пред судот.
На Кантер, кој отворено изрази поддршка за Фетула Гулен, ривал на Ердоган на претседателските избори, му е укинат турскиот пасош, па членот на никси заврши во притвор на аеродром во Романија во 2016 година при обидот да се врати во неговата родна земја. Турските власти го уапсија и неговиот татко за, како што наведува Кантер, „политичките определби на синот“.
По немилите настани, играчот на Њујорк истакна дека нема своја земја, изрази желба да стане граѓанин на САД и дека воопшто не е загрижен со казната на судските власти во Турција.
Кантер од оваа година е член на Њујорк. Претходно настапуваше за Оклахома (2015 година-2017 година) и за Јута (2011 година-2015 година). Во НБА лигата замина од екипата на Фенербахче чиј дресот го носеше во сезоната 2008/09.