На денешен ден пред точно три години беше формирана Владата предводена од СДСМ на чие чело застана лидерот на партијата Зоран Заев кој денеска на прес-конференција реферираше за она што е направено.
Заев, кој поднесе оставка во јануари оваа година поради формирање на техничката Владата, истакна дека земјата исполни две од стратешките определби.
„Станавме 30 членка на НАТО и имаме одлука за почнување преговори со ЕУ, истакна лидерот на СДСМ кој, како што рече, нашата земја е најпозитивниот пример во регионот.
Заев на прес-конференцијата потенцира дека Владата предводоена од СДСМ, по режимот ја вратила слободата и демократијата. Зборувајќи за постигнувањата во економијата, истакна дека во овие три години се отворени над 67.000 работни места и оти најголем дел биле во приватниот сектор при што нагласи дека невработеноста е намалена за шест отсто.
„Владата предводена од СДСМ значително ги зголеми нето платите за разлика од ВМРО-ДПМНЕ“, рече Заев.
Според него, Владата и здравствените власти „на нозе го дочекале справувањето со квид -19“. Посочи на зголемувањето на платите на медицинските лица и на здравствените работници, истакна дека се воведе ни нови лекови, а подигнати се и условите за работа.
Заев ја критикуваше опозицијата и лидерот на ВМРО-ДПМНЕ, Хрстијан Мицкоски, кого го обвини за поткопување на чекорите за влез во НАТО и за ЕУ, а сега, како што рече, се обидува тоа да го направи со справувањето со ковид-19. Според него, министерот за внатрешни работи Наќе Чулев дозволил непочитување на мерките и оти овие денови се чувствуваат последиците од тоа.