Новак Ѓоковиќ, според податоци на интернет, досега заработи 134,6 милиони долари во кариерата. Кон нив, неодамна, додаде 2,6 милиони евра за освоената титулата на Вимблдон, моментно ужива со семејство на одмор на Корчула, а меѓу најблиските е познат по желбата да вложува (купува) недвижности, па нема да биде изненадување ако дел од сумата во лондонскиот чек да „претопи“ во нов пентахус.
Моментно ги има неколку на различни елитни локации и со совршен поглед кон море, се разбира, каде што го има. Сопственик е на три во САД (два во Њујорк и еден во Мајами), еден во Монте Карло, еден во Порто Монтенегро во Црна Гора, еден во Белград, вила во срцето на Срем.
Адреси на Менхетен во дела на италијанскиот архитект Ренцо Пиано
Познатиот весник „Вол Стрит Џурнал“ пред две години објави вест за шопингот на Ѓоковиќ во Њујорк. Најдобриот светски тенисер во моментот купил два стана на Менхетен со вкупно 185 квадрати за кои се шпекулира дека издвоил дури 5,4 милиони долари. Двата се наоѓаат во објекти потпишани од познатиот италијански архитект, Ренцо Пиано чиј фан е српскиот тенисер.
„Ми се допаѓа дизајнот на двете згради, но и локацијата е фантастична“, изјави во таа прилика Ѓоковиќ за двата стана во кои на располагање, покрај останатите содржини, има и базен со солена вода.
Станбена единица крај Мајами Бич, исто така со потпис на Пиано
Покрај двата стана во Њујорк, Ѓоковиќ, речиси во истовреме, купи стан и во Мајами што, исто така, е идејно решение на Пиано и се претпоставува дека тоа задоволство го чинело 6 милиони долари. Станбената единица е сместена на самиот брег на Мајами Бич и важи како идеално место за мирен семеен живот со сопругата Јелена, синот Стефан и ќерката Тара. Семејството во него има на располагање по три соби и купатила, спа, џакузи, фитнес центар, базен и приватен парк.
„Бев воодушевен од неверојатната услуга, ексклузивниот пристап до паркот, панорамскиот поглед на морето и копното. Мојата фамилија овде ќе има совршен живот. Воодушевен сум и од дизајнот на зградата. Мајами и Њујорк се чести дестинации на мојата листа на патувања и извонредно е што имам каде да престојувам кога сум во САД и да се чувствувам како дома“, рече тогаш Ѓоковиќ.
Монте Карло како резиденција
Монте Карло е локацијата каде Новак Ѓоковиќ минува најголем дел од времето, но и локација во која водечкиот на АТП листата вложи најмногу. Добро е познато дека дестинацијата на Кнежевството ја одбра како резиденција, па затоа важи и за најобемна негова инвестиција.
Станот се наоѓа вои најелитниот дел од градот, на сама плажа, а негови соседи се данската колешка, Каролина Возњацки и британскиот пилот на Мерцедес, Луис Хамилтон.
Пентхаус во белградската населба Вест 65
Новак Ѓоковиќ одамна е сопственик на стан и во елитната населба Вест 65 во Белград. Се простира на површина од 250 квадрати, има 100 квадрати тераса со базен и три гаражни места и се верува дека за тоа задоволство издвоил 545.000 евра.
Порто Монтенегро во Тиват
Ѓоковиќ од пред неколку години има стан и во Црна Гора, поточно, во најелитниот дел на Порто Монтенегро во Тиват. Неодамна го реновира и, според медиумите, го купил за своја душа, за одмор на семејството и, пред се, за синот Стефан.
Вила во срцето на Срем
Своја оаза за мир, Ѓоковиќ има и во срцето на Срем. Вилата е лоцирана на брегот на Павловачко езеро и изградена е во природа. Плацот се простира на површина од неколку хектари, самиот објект е со големина од 1.200 квадрати.