Доналд Трамп има огромна предност пред останатите републикански претенденти, односно за поранешниот американски претседател би гласале вкупно 67 отсто од републиканските гласачи, објави „The Hill“, повикувајќи се на истражување на агенцијата од Харвард CAPS-Harris Poll.
На второ место е поранешниот потпретседател Мајк Пенс со девет проценти, а трет е гувернерот на Флорида, Рон Десантис со осум отсто.
Доколку денеска се одржат претседателски избори во САД, поранешниот претседател Доналд Трамп би бил поддржан од повеќе гласачи отколку актуелниот претседател Џо Бајден.
Во анкетата, 48 отсто од луѓето рекле дека би гласале за Трамп, додека 45 отсто рекле дека би гласале за Бајден. Другите седум проценти биле неодлучни за кого би дале глас.
Анкетата била спроведена од 30 ноември до 2 декември меѓу 1.989 Американци.
Истражувањето доаѓа во време кога Бајден се соочува со мноштво проблеми како што се инфлацијата, постојано високите бројки на нови случаи на ковид-19 и контроверзното повлекување од Авганистан во текот на летото, а сите тие веќе доведоа до рекордно ниско ниво на неговиот рејтинг.
Според ова ново истражување, 51 отсто од испитаниците не ја одобруваат работата на Бајден, што е намалување за шест поени во последните месеци од годината.