Американскиот претседател Џозеф Бајден, во вчерашниот телефонски разговор со шефицата на Европската Комисија (ЕК), Урсула фон дер Лајен, уште еднаш ја нагласи потребата од продолжување на процесот на проширување на ЕУ со земјите од Западен Балкан, вклучително и Северна Македонија, објави денеска на својот официјален твитер налог американската амбасадорка во земјава, Кејт Мери Брнз.
Бајден и нагласил на Фон дер Лајен дека процесот на проширување треба да продолжи со земјите од Западен Балкан, вклучувајќи ја и Северна Македонија, подвлекувајќи го нејзиното значење за регионалната стабилност, за развој и за просперитет, стои на твитер налогот на амбасадорката Брнз.
Во соопштението од Белата куќа се наведува дека претседателот Бајден, во разговорот со претседателката на ЕК, Фон дер Лејен ја потврдил неговата поддршка за ЕУ како клучен партнер за САД и неговата посветеност да продолжи со спроведувањето на резултатите од јунскиот самит САД-ЕУ.
Меѓу другото се наведува дека „лидерите разговараа и за Западен Балкан и претседателот Бајден пренесе силна поддршка за продолжување на процесот на пристапување со земјите од овој регион“.