Првата жена на Барселона, градоначалничката Ада Кола, побара од Европската Унија да интервенира за одржување на референдумот за независност на Каталонија по нередите кои се случуваа како резултат на заладените односи меѓу Мадрид и Каталонија.
„Мојата обврска како градоначалник е да ја поканам Европската комисија да отвори простор за медијација помеѓу шпанската и каталонската влада со цел да се најде договорено и демократско решение“, напиша Кола во текст објавен на „Гардијан“.
Пред зградата на Високиот суд во Барселона синоќа се одржа голем собир на поддржувачи на референдумот, откако шпанската полиција уапси десетици високи каталонски функционери кои се обидуваат да го организираат гласањето.
Каталонскиот референдум виси во воздух бидејќи полицијата која е под директива на Мадрид се очекува да не дозволи одржување на гласањето. Но она што е јасно во моментов е дека ниту Мадрид ниту Каталонија не отстапуваат од своите ставови.