Британската министерка за надворешни работи, Лиз Трас ја предупреди Русија дека инвазија на Украина ќе доведе до стравичен број на жртви, како што беше случај во советско-авганистанскиот конфликт.
Трас додаде дека тензиите ококу Украина се дел од поширок спор меѓу она што се смета за либерални држави и автократски системи како Русија и Кина.
Таа, исто така, го повика Путин да се откаже и отстапи од Украина пред да направи голема стратешка грешка.
Кремљ не ги научи лекциите од минатото. Инвазија на Украина би била кобна. Само би довела до огромни загуби на човечки животи. Тоа се случи и во советско-авганистанскиот конфликт, истото се повтори и во Чеченија, појасни Трас, пренесува „Гардијан“.
Лиз за време на говори ги повика сојузниците да се обединат и дополнително да ја поддржат Украина.
„Ќе продолжиме со поддршка за Украина и ја повикуваме Русија да се вклучи во смислени разговори. Случувањата на истокот на Европа се важни за целиот свет. Автократите се охрабрија како никогаш досега. Русија сака да ја прошири диктатурата врз целиот свет. Затоа режими како Белорусија, Северна Кореја и Мјанмар наоѓаат свои најблиски сојузници во Москва и Пекинг“, порача Трас.