ЕУ и САД очекуваат лидерите на Белград и Приштина утре во Брисел да го прифатат европскиот предлог како принцип, појдовна точка за целосно, правно обврзувачко решавање на односите меѓу двете страни и да почнат да работат како да го спроведат во рок од неколку месеци, а во исто време неизбежното формирање на Заедницата на српските општини (ЗСО), јави Бета.
Официјални лица во Брисел, информирани за дијалогот меѓу Белград и Приштина, на новинарите зад затворени врати изјавија дека српскиот претседател Александар Вучиќ и косовскиот премиер Аљбин Курти ставиле до знаење дека ќе ги претстават своите „црвени линии“ и услови во однос на европскиот предлог, познат и како француско-германски план.
Европските посредници, сепак, подвлекоа дека ЕУ и САД се цврсто убедени дека „европскиот, германско-францускиот предлог“ го има ова на ум и нуди решенија, а Вашингтон посочи дека конечниот договор ќе значи важни отстапки и „болни компромиси за двете страни“, изјавија надлежните. Затоа нема веднаш да се разговара за содржината на предлогот на ЕУ, кој е утврден во анексот и не е објавен, туку за начините и чекорите за што поскоро спроведување.
Официјални лица во Брисел дополнително го образложија својот став дека прифаќањето и спроведувањето на овој договор од страна на Белград значи де факто признавање на независноста на Косово, а не официјално, бидејќи тоа не се бара во „појдовните точки и принципи“ на договорот.
Претходно, специјалните претставници на ЕУ и на САД за Западен Балкан, Мирослав Лајчак и Габриел Ескобар, истакнаа дека решението за сеопфатен договор е Србија да не се противи на влезот на Косово во меѓународните организации, преземено од договорот меѓу поранешни две Германии за решение на меѓусебните односи, кога Бон не ја призна Источна Германија, но не се спротивстави на нејзиниот влез во ОН, јави Бета.
Извор: МИА