Два дена по елиминацијата на Холандија од Чешка во осминафиналето на ЕП 2020, селекторот на „!лалињата“, Франк де Бур поднесе оставка.

– Целта не беше остварена и донесов одлука да не продолжам како селектор, изјави Де Бур за официјална страница на Холандската фудбалска федерација (KNVB).

Де Бур ја презеде холандската репрезентација во септември лани, по трансферот на Роналд Куман во Барселона и на 15 натпревари на селекторското место оствари ефект од осум победи, четири нерешени и три порази.

Претседателот на KNVB, Нико Јан Хогма истакна дека целта на Холандија на ЕП 2020 била најмалку четврт-финале и додаде дека наследникот на Де Бур ќе биде познат во многу скоро време.

– Изборот на Френк за селектор не заврши како што се надевавме. Сега мораме брзо да најдеме наследник, бидејќи веќе на 1. септември не очекува важен натпревар против Норвешка во Осло (во квалификациите за Мундијалот 2022 во Катар), изјави првиот човек на холандскиот фудбал.