Избор на УЕФА: Елиф Елмас е играч на колото во Лига Европа

Двата гола што во четвртокот ги постигна за Наполи за пласман во нокаут фазата беа доволна препорака за УЕФА да го прогласи македонскиот фудбалски репрезентативец Елиф Елмас за играч на послендото коло од групната фаза во Лига Европа (ЛЕ).

Елмас беше двоен стрелец во триумфот на Наполи на домашен терен над Лестер од 3:2 со кој италијанскиот тим заврши како второпласиран во групата Ц и се пласира во шеснаесетфиналето во второто по ранг европско клупско натпреварување.

Елмас ја заврши групната фаза во ЛЕ со вкупно четири постигнати голови, откако претходно постигна по еден гол во двата дуела на наполитанците против московски Спартак, кој заврши првопласиран во групата.