Државниот секретар на САД, Џон Кери ја предупреди турската влада дека може да го загуби членството во НАТО Алијансата доколку ги премине границите при казнувањето на одговорните за воениот удар кој се случи за време на викендот.
Од турската влада се бара да го почитува демократското право.
На заедничка прес-конференција со високата претставничка за надворешна политика и безбедност на ЕУ, Федерика Могерини, Кери потенцираше дека САД е на страната на избраното раководство на Турција но дека истата треба да ги почитува највисоките стандарди и своите демократските избрани институции да го спроведат владеењето на правото.
– Секако дека го поддржуваме процесот одговорните да се соочат со правдата, но предупредуваме да не се преминат границите бидејќи многу е важно да се почитува демократското право, порача Кери.