Од денеска (6 декември) во ресторани, во кина или на спортски настани во Италија ќе можат да влегуваат само лица кои имаат докази дека се вакцинирани или го прележале коронавирусот.

Да се ​​има негативен тест повеќе не е доволно. Припадниците на полицијата, на армијата и просветните работници добија обврска да се вакцинираат. Патниците во јавниот превоз се обврзани да носат маски.

Владата на премиерот Марио Драги ги усвои новите правила на крајот на ноември и ќе останат во сила до 15 јануари.

Правилата важат и за користење на јавен превоз и за хотелско сместување. На пример, досега патниците кои патуваат со воз на долги релации мораа да покажат дека се вакцинирани, дека прележале ковид-19 или дека се негативни на коронавирусот.