Винченцо Јакинта е осуден на двегодишна затворска казна за соработка со мафијата и нелегално поседување на оружје. Со обвинението се соочи во декември во 2015 година, откако во неговата куќа во Реџо Емилија беа пронајдени два ревиолвера и 126 куршуми. Со актот истовремено беше опфатен и неговиот татко кој е прогласен за виновен за блиски односи со калабриската група „Ндрангета“ за што му е одредена казна затвор од 19 години.
„Не е можно. Ние впрочем не знаеме ништо за таа мафијашка група. Тоа е срамота. Животот ни е уништен само затоа што сме од Калабрија и многу сум загрижен за моето семејство“, истакна поранешниот играч на Чезена, Удинезе и Јувентус при изрекување на пресудата.
Јакинта рече дека оружјето го купил по завршување на фудбалската кариера и го користел на стрелиште каде минувал добар дел од времето. Пресудите против фудбалерот и неговиот татко се првостепени и двајцата имаат право на жалба. Тие нема веднаш да бидат притворени без оглед на предусата бидејќи според италијанските закони осудените лица имаат право да останат на слобода се додека не ги искористат правните механизми на сите нивоа.