Единствена и унитарна Македонија е граѓанскиот договор за промени, преточен во 67 пратенички мандати од сите партии освен ДПМНЕ, изјави денеска од собранискиот прес-центар, пратеникот на СДСМ, Петре Шилегов.
Коментирајќи ја собраниската расправа на кој два дена по ред продолжуваат репликите и контра-репликите на пратениците од ВМРО-ДПМНЕ, Шилегов вели Антонио Милошоски за џабе се обидувал да го наметни Никола Груевски како фактор.
– Ни тој ни ДПМНЕ не се повеќе фактор. Таквите како него кои ги создадоа проблемите, не можат да бидат решение на проблемите. Затоа да се помират дека се опозиција, порача Шилегов.
Тој потенцира дека има ново демократско формирано парламентарно мнозинство, и дека има програма за новата, како што рече, „реформска влада на унитарна Македонија“.
Одговорајаќи на новинарско прашање за ставот на Беса да не го поддржи кандидатот Талат Џафери од ДУИ за нов собраниски спикер Шилегов вели токму таквото несогласување е пример за демократија.
– Секоја политичка партија од парламентарното мнозинство има право на свој став. Тоа е убавината на демократијата. Но околу едно прашање се согласуваме, тоа е демонтажа на режимот на Груевски.