Шефицата на германската дипломатија, Аналена Бербок денеска силно го поддржа германското одбивање за испраќање на оружје во Украина за одбрана од можната руска агресија.
Неподготвеноста на Германија да се приклучи на другите членки на НАТО, како што се САД, Велика Британија и балтичките земји, предизвика чудење кај сојузниците и фрустрација кај прозападната украинска Влада во Киев.
Новата германска Влада на социјалдемократот Олаф Шолц најави дека работи на смирување на кризата, но отфрли испраќање на смртоносно оружје, што беше став и на поранешната влада на канцеларката Ангела Меркел.
Оној што зборува, не пука. Затоа, едноставно е погубно да се одбие продолжувањето на дијалогот, рече Баербок, мислејќи на новата размена на аргументи меѓу Москва и Вашингтон и вчерашните разговори меѓу украинските и руските политички советници во Париз.
Шефицата на германската дипломатија додаде дека Германија ја поддржува украинската армија, потсетувајќи на најавата на Берлин дека во земјата ќе испрати 5.000 борбени шлемови.
Украинскиот амбасадор ги одби шлемовите, изјавувајќи дека тоа е „чисто симболичен гест“.