Тензичната ситуација на гласањето на референдумот за независност на Каталонија продолжува. На социјалните мрежи се објавуваат видеа од шпанската полиција која брутално ги напаѓа и ги тепа гласачите кои дошле да гласаат на референдумот. Полицијата по гласачите пукаше и со гумени куршуми. Досега повредени се над 760 лица кои сакале да гласаат и да ги заштитат гласачките места.
Spanish police attack and pepper spray peaceful civilians who were guarding ballot box in a town hall in Aiguavivs pic.twitter.com/A7fMTxpBrA
— Help Catalonia (@CataloniaHelp2) October 1, 2017
Каталонската регионална влада објави информација дека е создаден сајт со помош на блогерската платформа Ворд прес, на кој граѓаните можат да гласаат на референдумот до полноќ, пишува шпанскиот весник „Ел Мундо“.
Претседателот на Каталонија, Карлес Пуигдемонт, ги обвини шпанските власти дека користат неоправдано, диспропорционално и неодговорно насилство во обидите да го спречат референдумот.
Градоначалничката на Барселона, Ада Колау, апелираше полицијата да прекине со бруталните напади.
Премиерот на Шпанија, Маријано Рахој на прес-конференција рече дека денеска не се одржал референдум. Рахој во својот говор не ги спомена повредените граѓани и ја напушти говорницата без да одговори на новинарските прашања.
Шпанската влада побара од каталонскиот претседател да ја прекине референдумската фарса и рече дека „неговиот тим е единствено одговорен за сето она што се случи“. Шпанскиот министер за внатрешни работи изјавил дека 12 полицајци се повредени, а три лица биле уапсени. Како што рече, досега затворени биле 92 гласачки места.
Припадници на автономната каталонска полиција Мосос во мало гратче во близина на француската граница, денеска ги штитеше граѓаните кои излегоа да гласаат од бруталноста на полицијата.
Catalan police defend people in Vielha, one of the agents crying pic.twitter.com/iM79SoPFCe
— Help Catalonia (@CataloniaHelp2) October 1, 2017
Против оваа полиција, биле поднесени голем број тужби, затоа што и покрај барањата на шпанската централна власт да спроведат судска забрана за референдумот, гласачките места не биле затворени.
Во соопштението на Вишиот суд во Каталонија се вели дека тужбите се поднесени против каталонската полиција позната како Мосос, а поради отсуство на акции на гласачките места кои биле незаконски отворени заради гласање, се вели во соопштение од судот. Каталонскиот Виш суд нагласува дека од полицијата Мосос побарале повеќе информации во врска со тужбите.
Во одбрана на граѓаните застанаа и пожарникарите.
Firefighters defend democracy pic.twitter.com/TYvF7CNBbc
— Help Catalonia (@CataloniaHelp2) October 1, 2017
Светските лидери повикуваат на дијалог
Светските лидери повикаа на дијалог меѓу Мадрид и Барселона по повод референдумот за независност на Каталонија, пишуваат светските агенции.
Европските влади избегнуваат да го коментираат директно референдумот, велејќи дека тоа е внатрешно прашање за Шпанија.
„Насилството не може да биде одговор! Ние ги осудуваме сите форми на насилство и го потврдуваме нашиот повик за политички дијалог“, напиша премиерот на Белгија, Шарл Мишел на Твитер.
„Загрижен сум за ситуацијата“, призна словенечкиот премиер Миро Церар и повика за владеење на правото и мирно решение.
„Емоционалниот набој е силен. Раните на недовербата – длабоки. Дијалогот со нашиот народ е задолжителен за Шпанија. Насилството нема да помогне“, за возврат прокоментира министерот за надворешни работи на Литванија, Линас Линјавичус.
„Се повеќе и повеќе сум загрижена од фотографиите што доаѓаат од Каталонија. Независно од гледна точка за независноста, ние сите треба да осудиме слични сцени“, вели премиерката на Шкотска Никола Старџен на Твитер.
Таа ја повика Шпанија да го промени курсот пред некој да биде сериозно повреден. „Нека луѓето гласаат во мир“, додаде таа.
Претседателот на британската Лабуристичка партија, Џереми Корбин го утврди насилството во Каталонија како шокантно.
Можете да прочитате и:
Како дојде до референдумот во Каталонија и што по него
Брутална уоитреба на сила во Каталонија
Каталониски пожарникари ги штитат граѓаните од полицијата
Шпанската полиција ги чисти училиштаата од активисти
Шпанија пред голем тест: Каталонија бара независност на референдум