Судењето за предметот „Титаник 2“ на СЈО во врска со изборни нерегуларности на локалните избори во 2013 година, е одложено за 10 мај.

Судијата Огнен Ставрев, кој го води предметот, го прифати барањето на одбраната за одложување за да можат да го разгледаат прочистениот текст на обвинението што на денешното рочиште го подели обвинителката на СЈО, Фатиме Фетаи.

Во прочистениот текст го нема делот за петмината судии од Управен суд, за кои судот не го прифати обвинителниот акт поднесен од СЈО.

Лидерот на ДПА Мендух Тачи и поранешниот директор на УБК Сашо Мијаков, обвинети во случајот, претпладнево дојдоа во Кривичниот суд. Покрај Тачи и Мијалков, во овој случај обвинети се и поранешните членови на Државната изборна комисија Бедредин Ибраими, Анета Стефановска, Влатко Сајковски и Сашо Срцев, кои, исто така, беа присутни на рочиштето.

Предметот го води судијата Огнен Ставрев, а обвинението на СЈО го застапува обвинителката на СЈО Фатиме Фетаи.

Според „бомбите“ што ги објави СДСМ, а кои се прифатени како докази во судската постапка, Мијалков и Тачи се договарале за гласање на членови на ДИК во однос на поднесени приговори.