Published: Thursday, November 28, 2024 14:10
Денеска се одржа трибина насловена како “Размислувања за иднината на Северна Македонија“, во организација на СДА Македонија.
Домаќин и модератор на трибината беше Џелал Хоџиќ, претседател на СДА Македонија, а говорници беа Љубчо Георгиевски, претеседател на ВМРО Народна партија и поранешен премиер на државата, Никица Корубин, поранешен пратеник и аналитичар, како и Ивон Величковски, лидер на Движење за нова република и исто така поранешен пратеник.
На трибината се искажа голема загриженост за тоа што Владата го менува курсот во меѓународната политика кон Исток и ги менува стратешките цели на државата. Говорниците укажаа и дека Владата во процесот на блокирањето на европските интеграции со неусвојување на потребните измени на Уставот повторно ќе ја изолира Република Северна Македонија од демократски развиениеот свет, а со тоа ќе се мотивираат младите уште повеќе да се ислеуваат од државата. Беше упатена критика дека изолирањето на државата се прави со цел Република Северна Македонија да не го фати возот за проширувања на ЕУ со Црна Гора и Албанија, кое е најавено да се случи до 2030 година.
Говорниците упатија остра критика и за воспоставување на стратешкото партнертсво со Орбанова Унгарија преку користење на нетранаспарентниот кредит од милијарда евра. Авторитарното владеење на Виктор Орбан е предмет на сериозна критика на државите од ЕУ, каде ние како држава се стремиме да идеме.
Се кретикуваше политиката на Владата која треба да го преиспита учествтото во иницијативата “Отворен Балкан“, во која досега не пристапија БиХ, Црна Гора и Косово, а свое повлекување најави и Албанија. Единствени видливи цели на иницијативата “Отворен Балкан“ се стратешко партнерство со авторитарната политика на Александар Вучиќ и обиди за маргинализирање на иницијативата “Берлински процес“ која има за цел вистинско поврзување на државите од Западен Балкан и нивна интеграција кон ЕУ.
Во заклучните зборови упатен е апел до пратениците во Собранието, и од владеачкото мнозинство, но и од опозицијата, за што побрзо да ги стават на дневен ред Уставните измени, со цел да се откочи домашната блокада на европскиот пат.