Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Заев и Рама: Алармот е вклучен, суштината и вредностите на ЕУ се доведени во прашање

0
By Sashko on June 23, 2021 ПОЛИТИКА
Фото: mia.mk
СПОДЕЛИ
Facebook Twitter LinkedIn Email
Published: Wednesday, June 23, 2021 14:41

Македонскиот премиер Зоран Заев и неговиот албански колега Еди Рама имаа свои обраќања на Панелот во рамки на првиот Скопски економски форум. Двајцата потоа излегоа со заедничка изјава за јавноста во која основа беше блокадата на Бугарија за добивање на датум за првата меѓувладина конференција на Македонија со Европската Унија (ЕУ), што практично значи и отворање на поглавјата и почеток на процесот за членство на земјава во ЕУ. Од тврдата позиција на официјална Софија е засегната и Албанија поради определбата на Брисел за неделивост на двете соседни земји на евроинтегративниот пат.

– Тука сме со мојот пријател, колега, другар, брат. Денес Европа има проблем. Големата, визионерска идеја за обединета Европа денес има проблем, а проблемот е самата Европска Унија. Брисел ни порача дека ЕУ не успева да најде начин да ја обезбеди заслужената интеграција на Западен Балкан. Е, тоа е проблем. Тоа што 26 земји членки на ЕУ не успеваат да спречат блокада на една земја членка, тоа е проблем на Европа предизвикан од самата ЕУ. Но, ние не сме сами и нема да бидеме сами, ниту изолирани. Нашиот народ, македонскиот народ и албанскиот народ пред себе имаат ист пат. Имаме иста визија, исти вредности – тоа се европските вредности, а не политиките на ѕидови и поделби, се вели во заедничката изјава на двајцата премиери.

И Заев и Рама испорачаа решителност за Македонија и Албанија да не запрат во заокружување на стратешката цел за двете земји, а тоа е членство во ЕУ. Притоа изразија уверување дека на македонскиот и албанскиот пат кон Брисел се и Србија, Црна Гора, Косово и БиХ.

– Ние сме Европа, без разлика дали ЕУ ќе успее да ги тргне блокадите или не. Нашите народи и влади, среде Балкан, демонстрираат европски манири. Забрзано ги отстрануваме пречките и границите меѓу нас, за граѓаните, услугите и стоките да се движат слободно. Имаме заеднички идеи, предизвици и култури со нашите братски народи од регионот. Имаме пораки и за нашите граѓани и за европските граѓани, и за домашните и за европските политичари. Алармот е вклучен, суштината и вредностите на Европската Унија се доведени во прашање. Европските вредности се заеднички за земјите од ЕУ, но и за земјите кандидатки за членство кои ги прифатија и ги развиваат. И еве, денеска тие вредности се афирмираат од Западен Балкан – инклузивност, мобилност, толеранција, правда, солидарност, порачаа Заев и Рама и најавија уште поголемо зближување на двата народа.

Премиерите на Македонија и на Албанија директно се обратија до, како што е наведено, „сите од Европската Унија кои овие вредности ги прифатија и ги промовираат како составен дел од европскиот начин на живот, дека никој и со ниту еден акт не смее да ги доведе во прашање човечкото достоинство, еднаквоста и солидарноста, владеењето на правото, човековите права“.

Заев се наврати и на минатонеделната посета на Софија каде заминал со делегацијата, како што вели, со отворено срце и подадена рака за решение и со подготвеност за исчекор во позитивна насока со Република Бугарија. Претходно во Софија беше и премиерот Рама.

– Иако направивме заеднички позитивен исчекор, за жал, и покрај јасните и недвосмислени пораки од целата меѓународна заедница дека сега е моментот да се најдат сили за пробив, бугарските колеги не успеаја да соберат доволно сила да одобрат почеток на преговорите на Северна Македонија со ЕУ. Без разлика колку бевме свесни и воздржани во очекувањата, одлуката на ЕУ да не ја закаже првата меѓувладина конференција со Северна Македонија и Албанија, сепак, е големо разочарување, но и огромен неуспех за политиката на ЕУ за проширувањето и лоша порака за целиот регион. Гласот на Бугарија да не ја одобри преговарачката рамка, наспроти едногласниот став на сите останати 26 земји членки, сметаме дека не е во духот на добрососедските односи, истакнаа Заев и Рама од Скопје.

Нашата позиција е јасна, нагласија македонскиот и албанскиот премиер, и додадоа оти сметаат „дека европските интеграции не смеат да бидат заложник на билатерални прашања. Преговорите со ЕУ не смеат да се претворат во преговори со Бугарија. Нашиот напредок во ЕУ интеграциите првенствено треба да зависи од домашните реформи врзани со поглавјата, законодавството на ЕУ и постигнување на европските стандарди“

– Тоа е опасен преседан и тоа е став кој го делат сите останати земји членки на ЕУ. Македонскиот национален идентитет едноставно е невозможно да биде предмет на преговори. Европа останува единствена алтернатива и стратешка национална цел за Албанија и за Северна Македонија, за што вложуваме искрени напори. За нас европските вредности се светост, колку и самата ЕУ да не успева да ги одбрани. ЕУ нема ексклузивитет врз Европа. Затоа ние, преку „Акција 2021“ и преку „Европа дома“, сериозно ги имплементираме европските вредности дома и продолжуваме по реформскиот пат. И цврсто стоиме на ставот дека ЕУ ни должи испорака на ветеното. Нам ни треба забрзана европеизација, се вели во заедничката изјава.

Заев и Рама се обратија до европските лидери на кои им порачаа дека „мора сериозно да земат предвид дека бескрајните и повторувачки разочарувања неминовно ја отвораат вратата и ги охрабруваат евроскептиците“.

Двајцата премиери истакна дека Македонија и Албанија сѐ уште му даваат шанса на процесот и остануваат посветени на членството во ЕУ и целосна имплементација на европските вредности и стандарди.

– Имам уште една порака. Тие што добро ме знаат, знаат дека не се откажувам. А тие што не ме знаат, нека знаат дека не се откажувам. Ќе одам во Софија повторно, и повторно, и повторно и ќе барам решенија. И ние во таа цел ќе успееме. Северна Македонија е Европа. Албанија е Европа. Балканот е Европа. Благодарам, порачаа Заев и Рама од Скопје.

Албанија Еди Рама Економски форум ЕУ Зоран Заев Македонија преговори Скопје членство
Share. Facebook Twitter LinkedIn Email
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.