Српската премиерка, Ана Брнабиќ ја повика меѓународната заедница да реагира на, како што наведе, новите провокации од Приштина.

Како што е објавено на веб-страницата на српската Влада, Брнабиќ ја повика меѓународната заедница, НАТО и КФОР итно да реагираат „и да го зауздаат Албин Курти“.

(Видео) Косовската полиција упадна во Северна Митровица: Едно лице тешко повредено, еден автомобил запален

Таа посочи дека ситуацијата е повеќе од драматична и дека „ова е последниот момент во кој е неопходна јасна реакција за да се запре налудничавата политика што ја води Приштина“.

Ваквото однесување ја надмина секоја мерка и нè носи на работ на хаос, предупреди Брнабиќ.

Претходно, балканските медиуми јавија дека едно лице од српска националност денеска е рането од огнено оружје во Звечани и дека се наоѓа во тешка состојба.