ДУИ планира да го блокира новото законско решение за средно образование поради одредбата која предвидува интонирање на македонската химна на почетокот и крајот на учебната година, за време на патронски празници и други училишни прослави. Корадинаторот на пратеничката група на Европскиот фронт, Беџети, вели дека немаат други забелешки освен оваа и дека подготвуваат амандмани. Според нив, власта со законот наметнува моноетнички решенија и го нарушува меѓуетничкиот соживот.
Министерката за образование, Весна Јаневска, појасни дека оваа одредба не е задолжителна и дека одлуката за интонирање на химната ќе ја донесуваат основачите или општините. Таа ги повика пратениците од ДУИ да го поддржат законот, оценувајќи го кочењето како неразумно, нагласувајќи дека државата има свои симболи кои мора да се почитуваат. Според неа, целта е воспитување на децата во патриотизам и почитување на сопствената држава.
Опозициската СДСМ, пак, критикува дел од одредбите на Законот за средно образование, обвинувајќи ја владата дека ги менува законите без јавна дебата и дека со промените се брише Сојузот на студенти, лишувајќи ги средношколците од право на глас. Линк