На денешната прес конференција, претставници на организаторите, Џабир Дерала од ЦИВИЛ – Центар за слобода (Северна Македонија) и др. Волфганг Ресман од МЕДИА ДИЈАЛОГ / Y4M (Северна Рајна-Вестфалија, Германија) како и Мика Баустер, претседател на Германската унија на новинари го објавија почетокот на големата меѓународна конференција ОДБРАНА НА ДЕМОКРАТИЈАТА И ЧОВЕКОВИТЕ ПРАВА која се одржува на 11 и 12 декември 2024 година, со учество на експерти, носители на одлуки, лидери на граѓанското општество и новинари од целиот свет.
Првиот ден од овој значаен настан кој ги истражува клучните закани за демократијата, вклучувајќи ги последиците од војната, растот на национализмот и ширењето на авторитаризмот, и на кој учесниците ќе развиваат стратегии за заштита на демократските институции и човековите права во услови на силни предизвици во регионот и во целиот свет, започна денес со работилница на панелистите за одбрана на демократијата и борбата против пропагандата, говорот на омраза и лажните вести во комбинација со поддршка за новинарите во егзил и под притисок на која земаа учество Џабир Дерала, др. Волфганг Ресман, Мика Беустер, Роџер Касале, Ксенија Халубович, екипата на Цивил како и неколку други учесници.
М. Д. / ЦивилМедиа