Главниот аргумент на грчкиот Врховен суд за да не ги екстрадира во Македонија била амнестијата која ја направи претседателот Ѓорге Иванов пред две години. Во листата амнестирани беа 57 лица, а меѓу нив и Грујевски и Бошкоски. Тамошниот суд одлучил дека еднаш донесена одлука за амнестија не може да биде повлечена потврди и адвокатот за ТВ 24, Петар Василев.

Според неговите проценки, тие најверојатно од понеделник излегуваат од екстрадиционен притвор во близина на Солун, каде се сместени веќе осум месеци, по апсењето на солунскиот аеродром со лажни пасоши.

Тие таму чекаат и политички азил, за кој е закажано и рочиште следниот период, но ги чека и судскиот процес за лажните пасоши со кои се претставуваа како Христо Атанасов и Неџми Хасан.

Врховниот суд во Атина денеска одлучи дека двајцата не треба да бидат испорачани во земјава, бидејќи нема услови да им се овозможи фер судење.

Претходно судот во Солун одлучи спротивно од Врховниот суд во Атина. Тамошниот суд пресече дека неразделниот двоец од УБК треба да биде екстрадиран во Македонија, постапка која траеше со месеци поради немањето официјален превод на македонски.

За Грујевски и Бошковски во Грција се водат три различни и меѓусебно неповрзани процеси.

Горан Грујевски и Никола Бошковски од 13 февруари по нивното пренесување од Солун во Атина, се наоѓаат во атинскиот затвор „Коридалос“.

Сите четири рочиште во Врховниот суд во Атина поминаа без никаков интерес од медиумите во Грција, а единствен новинар во судницата беше дописничката на МИА од Атина, нешто што беше и еден од аргументите на адвокатите на Грујевски и Бошковски да побараат рочиштето да биде зад затворени врати.

Горан Грујевски и Никола Бошковски во октомври лани беа уапсени на аеродрoмот во Солун, со лажни пасоши, кога сакале да заминат во земја од ЕУ.

Во Македонија,  Грујевски и Бошковски се обвинети во случајот „Таргет – Тврдина“, дека преку три системи за следење на комуникациите во Управата за безбедност и контраразузнавање (УБК), во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

Покрај нив двајца обвинети се и поранешната министерка за внатрешни работи Гордана Јанкулоска, поранешниот директор на УБК Сашо Мијалков, како и поранешниот шеф на неговиот кабинет, Тони Јакимовски.

Рочиштето за овој предмет е повеќепати одложувано, бидејќи се очекува одлуката за нивната екстрадиција.

Горан Грујевски веќе е осуден на една ипол година казна затвор во случајот Тврдина 2 за незаконско уништување 2.047 документи, од кои дел  биле поврзани со набавката на опремата за прислушување.

Аболицијата на Иванов – почеток на Шарената револуција

Иванов на 12 април донесе одлука за аболиција за 56 функционери и нивни соработници од судско гонење

Како реакција на аболицијата, започнаа масовните протести кои потоа прераснаа под името „Шарена револуција“.

Хронологија: Протести по одлуката за аболиција

Покрај повиците од сите меѓународни институции, од ЕУ, од САД, Германија и други европски држави да ја повлече аболицијата, во јуни 2016 Собранието расправаше за отповикување на претседателот Иванов, која не беше усвоена. И дел од аболицираните лично побараа аболицијата да биде поништена.

Претседателот Ѓорѓе Иванов на 27 мај донесе одлука да поништи дел од одлуките за помилување на вкупно 22 лица. Како што рече Иванов, цврсто е убеден дека аболицијата која ја донел на 12. април и понатаму смета дека е клучна за решавање на кризата и тоа го направил во интерес на државата и на граѓаните.

Не сакам веќе никој да има сомнеж. Ниту еден политичар не е над законот, ниту еден политичар не е недопирлив, напротив, секој ќе одговара за своите постапки, изјави Иванов повикувајќи ги сите други кои не с епомилувани согласно измените во Законот да поднесат лични барања за поништување на одлуката за нивно помилување.

Делумна аболиција: Кој за што беше помилуван од Иванов?