Published: Tuesday, November 28, 2017 13:56
Основното јавно обвинителство за гонење на организиран криминал и корупција донесе Наредба за спроведување на истражна постапка против триесет и шест лица поради основано сомнение за сторено кривично дело Терористичко загрозување на уставниот поредок и безбедноста од член 313 од Кривичниот законик.
Утрово се приведени дел од осомничените и изведени на распит пред судија на претходна постапка, а за дел од осомничените, кои не се пронајдени од полицијата, издадени се интерни потерници.
Денеска во Кривичниот суд беа донесени поранешниот директор на БЈБ, Митко Чавков и пратениците Крсто Мукоски, Љубен Арнаудов и Жаклина Пешевска.
Пред Кривичниот суд најавен е протест од ВМРО-ДПМНЕ, како и обраќање на лидерот на партијата, Никола Груевски.